ЗӨВЛӨМЖ: АЯНГА ЦАХИЛГААНААС ХЭРХЭН СЭРГИЙЛЭХ ВЭ?

290295904_579118753927585_696970087102396543_n.jpg

Хур бороо ихтэй үед хүмүүсийн зайлшгүй мэдэж байх ёстой зүйлсийн нэг бол өөрсдийгөө аянга цахилгаанаас хамгаалах юм. АНУ-д жилд дунджаар 330 хүн аянга цохиулдаг бөгөөд үүнээс 51 хүн нас барсан гэсэн судалгаа байдаг. Иймээс дуу цахилгаантай бороотой үед хүмүүсийн зайлшгүй анхаарах ёстой зүйлсийн нэг бол цахилгаанаас өөрсдийгөө хамгаалах явдал юм.

Хүчтэй аянга цахилгаан цахих үед:

1. Өндөрлөг газраас буу, байшинд ор, эсвэл битүү машинд ороод цонхоо хаагаад юунд ч хүрэхгүй гараа өвдөг дээрээ тавиад суу. Машины дугуй резин учир тог дамжуулахгүй гэж худлаа, маш хүчтэй тог ирдэг учир дамжихаас гадна хайлуулдаг, гэхдээ машин чинь өөрөөрөө тог тойруулж гүйлгээд газардуулдаг. Утсаар ярьж болно, цэнэглэж байгаа утас барьж болохгүй.

2. Хажууд чинь шонгийн мод, ганц өндөр мод, төмөр хашаа, тогны утас, гол ус байвал холд. Хээр талд орох оромжгүй бол хамгийн нам доор газар олоод доошоо хөл дээрээ суугаад толгойгоо тонгойлгож 2 хөлөө нийлүүл. Биеэ аль болох жижиг болгохоос гадна газартай зөвхөн нийлүүлсэн өлмийгөөрөө хүр. Олуулаа явж байвал бие биенээсээ хол зай барь.

3. Ой мод байвал ой модонд орж доошоо сууна, нээлттэй саравч нэмэргүй, агуй бол арай дээр. Морь, мото, дугуй, ачааны машин дээрээс буу, уснаас гар, гартаа барьсан загасны уурга, шүхрээ хая.

4. Биедээ байгаа төмөр зүйлсийг холдуул, цахилгаан хүн дээр буулаа гэхэд арьс нь дээр хэлсэнчлэн битүү машин шиг тойруулж гүйлгээд газардуулдаг, ингэх явцад төмөр зүйлс байвал тог биед нь орж зүрх зогсох мэтээр үхэлд хүргэнэ. Цахилгаанд цахиулсан хүнд хүрч болохоос гадна аврах ажиллагаа нэн даруй хийх хэрэгтэй, CPR гэж хайгаад сурж аваарай.

5. Гэртээ байвал гэрийн утсанд мөн тогонд залгаатай комьютер гар утас зэрэгт хүрч болохгүй. 6. Хөдөө хээр явж байвал өндөрлөг газар, уулын орой дээр эсвэл ганц модны доор майхнаа бүү зас, цахилгаан цахиж эхэлмэгц битүү машинд орж суу, сүүлийн цахилгаан цахиснаас 30 минутын дараа гарч болно.

scroll to top